Admin
Admin
المساهمات : 173
تاريخ التسجيل : 03/09/2019
الموقع : جمهورية مصر العربية
 | | موضوع: فؤاد حداد - المسحراتي الأربعاء سبتمبر 04, 2019 2:47 pm | |
| مقطع(1)
القدس
اصحى يانايم وحد الدايم
وقول نويت
بكره ان حييت
الشهر صايم
والفجر قايم
اصحى يانايم، وحد الرزاق
رمضان كريم
مسحراتى يامؤمنين
منقراتى مد الأنين
الله على رعشة الحنين
عمره ماكان الأمل ضنين
ياقدس يانوارة السنين
كأن عينى فى ميتمى
ياقدس مايحتمل دمى
الا أشوفك وأرتمى
وابوس ترابك المريمى
أبويا وابنى على فمى
ماأتوهش ياقدس فى المطال
ياعاصره مهجة الرجال
سقاك من دمعته الهلال
ياقدس ياسبحة الشقا
الأعمى فى سجدتك رأى
والفجر من صخرتك سقى
ياقدس تتفجر الجراح
والصبر حرب وأيوب صلاح
ياأخت من مكه والبطاح
قلبى انضرب للعرب وصاح
لابد من فتح فى الصباح
المشى طاب لى
والدق على طبلى
ناس كانوا قبلى
قالوا فى الأمثال
الرجل تدب مطرح ماتحب
وانا صنعتى مسحراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال
لما تقول أجمل مافى الدنيا
الميه للعطشان
يعرفوك عربى
أما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يارب
يعرفوك عربى
لما تباشر جهادك ، ترمى أوتادك
فى قلب دابح ولاد
يعرفوك عربى
اصحى يانايم وحد الدايم
السعى للصوم خير من النوم
دى ليالى سمحه
دى نجومها سبحه
اصحى يانايم
يانايم اصحى
وحد الرزاق
رمضان كريم | |
|
gihan fathy
المساهمات : 18
تاريخ التسجيل : 03/09/2019
الموقع : مصر . الاسكندرية
| | موضوع: رد: فؤاد حداد - المسحراتي الأربعاء سبتمبر 04, 2019 4:59 pm | |
| قصيدة رائعة لشاعر عملاق
شكرا لإدارة الموسوعة على هذا الجهد
أعانكم الله ووفقكم للإرتقاء بالشعر والشعراء | |
|
dena mohamed
المساهمات : 56
تاريخ التسجيل : 03/09/2019
الموقع : مصر . المنصورة
| | موضوع: رد: فؤاد حداد - المسحراتي السبت أكتوبر 26, 2019 1:57 pm | |
| | |
|
الرئيسية 
