الشاعر مدبولى محمود مدبولى - مصر

الشاعر مدبولى محمود مدبولى - الجنسية مصري - الإقامة مصر
الاسم الأدبى .. الشاعر أبو عمار المصرى
النشاط الأدبي
عضو اتحاد كتاب مصر
محاضر مركزى بالهيئة العامة لقصور الثقافة
عضو نادى القصة
عضو نادى الأدب بالقناطر الخيرية
عضو ملتقى السرد العربى
عضو دار الأدباء بالقاهرة
الأعمال
ديوان ( رقصة الأموات ) عامية
ديوان ( وعدك فين ) عامية
ديوان ( رسم الحروف ) فصحى
ديوان ( شق القمر ) عامية
مجموعة قصصية ( إشارة )
مسرحية شعرية بالعامية ( حارة الطيبين )
ديوان ( حبل القبور ) عامية
ديوان ( نزيف أحلام ) عامية
ديوان ( أنتسب إليك ) فصحى
رواية ( 7 حارة الشيال )
ديوان ( إلا ربع ) عامية
رواية ( هى وقبيلته )
وهناك أعمال ما زالت فى طور التنقيح للطباعة
...
من أعماله الشعرية
1 ( غــُــــــربـــــــة )
وراجعة ؟
ولا خدتى خلاص على الغربة
وسبتى الكل يتصارعوا
على الباقى فى أحلامك
وسبتى شلة المحاسيب
تبيع فينا
تبيع فيكى
ويتراهوا على موتك
ولسة راضية بسكوتك
وبيقولو الحياة صعبة
فنستحمل
نشيل الطين على روسنا
ونشنق حلمنا بكرباج
بكام طرحة
ونتشلشل
ويستهبل .....
ولاد الين والماركات
مع الدولارات
وقرض بقرض
باعوا الارض
والزرعة ولمتنا
فى عز البرد
أتارى دفانا بيلسوع
مواليهم
ما هى كتيرة علينا نعيش
وكل الحلو ويا الهبش
والتنتيش
أكيد ليهم
ما هو احنا
أولاد السودا
وهما البيضا
والفرخة وهما الباشا
والبهوات
ولو بتنا نهاتى ايام
ما يسمعوا مرة كلمة هات
ولا بنطلبشى غير قوتنا
ولا نحلمشى
غير برجوعك الميمون
لحضن ولادك المحاريم
لعل نعيش ولو لساعات
بقينا ف زمرة الاموات
بنتحاسب ونتعاقب
على حبك
-------------
2 ( عينيكى )
.....
باقول لك ايه ؟
ما تجوزينى عنييكى دول
واخطبينى للشفايف
طعمهم طـُهر البتول
واشبكى الشعر اللى سايح
أحلى توكة فيونكتين
ومدى إيدك نقرا فاتحة
ع المحبة والغرام
واكتب كتابى
واعيش حياتى ف ضلهم
على سنة الله والرسول
يا عنيكى ناظر مدرسة
عاشقة الليالى المخلصة
متونسة بمسك الحسين
ترفض أمور السهوكة
والنحنحة والمحلسة
وانا فى الهوى تلميذ بليد
قاعد فى آخر دكة
فى الصف الأخير
وساعات باشوفهم
صف ظابط فى الميدان
وانا عسكرى
يا دوب مجند من يومين
تؤمر عنيكى
بالقى قلبى
وكل نبضاتى .... انتباه
والنظرة منهم دانة من أتقل عيار
ميت ألف غارة تهد
قلبى والحصون
ترفع راياتها البيض
مع شمس النهار
عاشق عيونك قبل حتى ما اتولد
أنا شفتهم
على ميت حجر
مزارات تاريخ من
قبل موسى والسفينة
والميلاد
يا عيون بترسم
فى الخرايط والبلاد
وتغير العالم بنظرة
تقسم الكون شطرتين
يا عنيكى حبات سبحتين
تسابيح ديانة بدق قلبى
للعيون الطيبين
يمكن تنول العفو
أو شئ م الرضا
أوصف فى إيه ؟
مولانا شيخ العرافين
راح واعترف للقس
حنا بنيامين
إنه فشل حتى ف حدود المعرفة
خرجت بشاير للهوى
ماسكة ف ستاير كعبتك
واتشعبطت كل الحروف
فى طرف توبك حضرتك
جريت ورا ضل الخطاوى
جبت عراف الطريق
وسبت من قلبى أثر
فى محاولة فاشلة للوصول
يمكن تغير فى الظروف
أو تمحى من عمرى اللى باقى
أى خوف
من قسوتك
يا غربتى جوة العسل
كحـَّـل عيونك بالجمال
يا غـُربتك
ليه تمنعيهم يعشقوا
ويتمعشقوا ف لون الحياة
يا عنيكى بتشاور
فى كل نظرة
كل مرة ألف آاه
قبلة صلاة
قـُـبلة حياة
لو بس مرة تلمس الرمش اللى
سهران من سنين
كنت احضن الجفن اللى
ناعس وارسم الشوق والحنين
أحمر يلوِّن فى الخدود الوردتين
يا عيون جريئة
ساعات بريئة
والحقيقة
قادرة فاجرة
ساعات مكابرة
لسة قادرة
تغير اللون فى القلوب
ولا هيش لعوب
وبتمحى من قلب العصاة
طعم الذنوب
دى عيون ما شفت لهاش مثيل
تهدى تعصِّـى
تمد جسر من الغرام
تقدر تكون مليون دليل
تاخدك فى سكة تتوهك وترجعك
وتشعلقك وتمرجحك
وتشبعك وتجوعك
وتنشف الريق فى الحجر
وتبل ريق السلسبيل
بالمختصر
عينك ولا عين السما
تفتح بيبانها ميت مدار
وتلف بيك وتلفلفك
تفرض على قلب الغرام
مليون حصار
وانا طالب القرب الحلال
يا تجوزينى عنيكى واشبع منهم
يا ترحمينى وتحرمينى
من شقاوة مكرهم
أنا دبت فيهم حتى مش عارف
أنا ..إمتى وفين
حتى اسأليهم
دول أكيد راح يعرفوا ..
أنا ...أبقى مين
يا ريتنى شاعر
كنت قلت 200 ديوان
لكن الحروف
محدودة جدا
نفسي اشوف معجم جديد
باتمنى أكون رسام
أكون فنان
واغلب دافنشى
وارسم عينيكى مهرجان
واحلف بهم .. وأحلف لهم
أقف فى وش الناس
والشياطين والجان
وأقول لهم
بأى سحر فى العيون
تكذبان
------------
3 ( عـشـقٌ تــولـَّــد )

أنفاسـُكِ
طـَعـمُ الفانيليا
رائحتـُـكِ
طـَعــمُ الـنِـعـنــــاع
تـُـرى
ما الذى هزّ القوافى
فـثــارت
تـَرسـمُ قـلـبـــاً
بألـفِ شـِـــراع
وترسمُ بحــراً
بشــاطـئ أوحــــَد
وتـَنـظـِـم من نبضاتى وريداً
تمدُّ حياتى لما بـعد عـُمرى
بـِحـُبٍ تـَخـَـلـــّد
فأمـسِــكُ قــلــمــــــى
أحــاولُ أكـتـُــب
حـــروفــــــــاً
كـــــلامــــــــــاً
مـعـانٍ جــديــــــدة
كتبتُ..
رسمتُ الغرامَ
سماءً
وقلبى بها نور نـَجـــمٍ
تـَعـَـبـَّــد
أيا من تركتى العنانَ لقلبـِِك
مَـلـَكـتـــى المشاعرَ
حتى الـنـُخـــــــاع
وراح حـَـنـيــنـــــــُك
ولـَهـفَ الـتـِيــــاعـــــِك
كسـَهــمٍ بقلبى
طغى وتـَعـَربـَد
فصارت دمائى
كفوضى حنينى
وراحت حروفى ترسم
سنينى
فماذا سترسم ؟
أنا عمرى
مـُنــذ احـتـِـــراقِ الـقـُبـَل
وما مـَرّ مـنـــهُ
يـُثـيـــر الـخـَـجـَـــل
فما زلتُ طفلاً
على الـثـغــرِِ أحـبــــو
على الـصــدرِِ أحـبـــو
فتكتب حروفى:
هـــُـنــــــا عــاشـِـــقٌ
هـُنـــا قـلـبُ عـــادَ
لأصــلِ الـحـيــــــاة
هنا عشقُ بين يديكِ
تــَولـَّــــد

» الشاعرة إيمان محمود محمود قاسم . مصر
» الشاعر مصطفي بيبرس
» الشاعر عنتر محمد ضيف - مصر
» الشاعر معوض حلمي على - مصر
» الشاعر آسو شيخ كمال - العراق