Admin
Admin
المساهمات : 173
تاريخ التسجيل : 03/09/2019
الموقع : جمهورية مصر العربية
 | | موضوع: الشاعر مصطفي بيبرس - مصر - قصيدة طرف نور الأربعاء نوفمبر 27, 2019 1:56 pm | |
|
الشاعر مصطفي بيبرس - مصر
قصيدة طرف نور
------
الصوره بتزيل الضجيج
م اللي كان جواها ساكن
والاماكن
من بعيد بتبان كسور
طرف نور
نّور وقاد الكون بصيص
خلي ضي الشمس سور
وانتحاب الليل ونيس
يحجب النور من واديه
تلتقيه يوم حب غيره
والتقي غيره في واديهِ
والشمس قالت ودعيه
مدي ايدك واحدفيه
تحت قضبان الحياه
بعد صرخه بعد صوت
ان بعد الحب موت
حتمي لازم تلتقيه
فين المفر
مين اللي فر
من حب كان اخره وجع
والحب مر
والشاب م العشق اتلسع
طول عمره شايف كونه وادي
واشمعنا ليه بس ليه بس الليلادي
كونه ضاق ومش اتسع
نزل الغريق في بحر حبك
واتاريه ياحور غرقان في خُبك
وانتي ع الشط تلاغيه
بس ليه كان ذنب حبه
نار في قلبه
من مرار قربك هاتيه
ياما قولتيله هكونلك حضن دافي
لو في يوم عاند زمانه
هنحني يطلع كتافي
يلمس النجمه بإيديه
رسمتي ليِه في الحضن جنه
من فرحته شمر وغني
خدتيه معاكي لبحر تيه
وشمتي فيه
لما يوم بهتت عيونه
هو راهن عمره ليكي
وانتي قلبك عاش يخونه
هو خبط ع البيبان
هو بعد الهجر شاخ
هو ليه الحب هان
والزمان في عيونا باخ
والسلام علي كون لئام
حد نام فارد ايديه
وحد عام في دموع عنيه
وحيد بينزف ذكريات
واللي كان صعبان عليه
حب جوه ضلوعه مات
والاخير بالآه يعيش
تسأله علي حاله مالُه
يبتسم ويقول مفيش
مالقهوه قوت الموجوعين
والغرقانين في بحور وجع
أصل الوجع لو كان ودع
ماكان يصيب ابدا جدع
ف متضحكيش علي عود هِزل
ولاحد عمره مايوم يوم فِرح
اصل الزمان طبعه رِزل
ولا عنده حاجه بتتنسي
لو كان صحيح قلبك قِسي
ف من الزمان راح ينجِرح
| |
|
dena mohamed
المساهمات : 56
تاريخ التسجيل : 03/09/2019
الموقع : مصر . المنصورة
| | موضوع: رد: الشاعر مصطفي بيبرس - مصر - قصيدة طرف نور الأربعاء نوفمبر 27, 2019 2:45 pm | |
| | |
|
الرئيسية 
