Admin
Admin
المساهمات : 173
تاريخ التسجيل : 03/09/2019
الموقع : جمهورية مصر العربية
 | | موضوع: الشاعر مصطفي بيبرس - مصر - قصيدة ولسه بتسامح الأربعاء نوفمبر 27, 2019 1:58 pm | |
| الشاعر مصطفي بيبرس - مصر
قصيدة ولسه بتسامح
-----
وياليل ماليه الوجع
والروح مافيها براح
قلبك رقيق واتوجع
والكل عنك راح
والشعر مش ستار
الشعر قول فضاح
كتبت ليه الشعر
وسردت أحداثك
قلمك ماصان السر
فضحك قصاد ناسك
ياللي انت زي الورد
حتي الرحيق داسك
وفضلت متعشم
في الخلق والمواويل
من جوه متهشم
من بره كالمعاديل
عديت سنين صعبه
أقسي مافيها الليل
صاحبت كل الوجع
وبكيت علي روحك
طبطبت ع الواجع
وسبحت في جروحك
ونسيت تداوي الألم
وتخف ياطيب
قلب عليل ماسلم
ولا جرحه متطيب
قلبك برئ وانظلم
في الهم داعيينه
في الفرح متغيب
وحدك أسير همك
ومالكش فيه صاحب
دمعك محاه دمك
جرح الحبيب ساحب
لسنين مافيها شمس
عاتم ياليل البعد
والضي مطموس طمس
حيلك مابان ميلك
أعظم صراخك همس
كل اللي جالك ضيم
ولا حتي بتصارح
شايف سنينك غيم
من قلبها الجارح
عايش مع المظاليم
ولسه بتسامح | |
|
dena mohamed
المساهمات : 56
تاريخ التسجيل : 03/09/2019
الموقع : مصر . المنصورة
| | موضوع: رد: الشاعر مصطفي بيبرس - مصر - قصيدة ولسه بتسامح الأربعاء نوفمبر 27, 2019 2:44 pm | |
| | |
|
الرئيسية 
